Språk Norsk - NorwegianSpråk Sami - Samisk
A A A
 

Nyheter

Tor Erik Rønne galggá gåhtsedimbargov Divtasvuonan jådedit.

12.12.2017

Prosjektleder Tor Erik Rønne

 

Tor Erik Rønne (44) le virggáj biejadum prosjæktajådediddjen Divtasvuona suohkanin. Rønne galggá gåhtsedimbargov gillajiddjijs jådedit ja jåhtuj biedjat guhkesájggásasj, duostudum dåjmajt ma råhtsatjimijt boahtteájgen galggi hieredit.   

Rønnen le 17-jahkásasj barggoåstådallama bulkken, smávva suohkanijs ja stuorstádajs, gånnå duostudum barggo le fáhkalasj vuodo læhkám. Duodden politijaåhpadussaj le sujna niellja jage duoddeåhpadus duon dán universitehtajs ja allaskåvlåjs, fágaj ma nanni duostudum bargov, kriminologija, guládallam mánájs- ja nuorajs hieden, bagádallampedagogihkka, arvusmahttelis ságájdahttem, mánáj- ja nuoraj psyhkalasj hælsso, jådedibme jvn.

Ávvudahtte 

  • Ávon lip gå Tor Erik Rønne sihtá dáv geldulasj prosjevtav Divtasvuonan jådedit. Rønnen le moattefáhkalasj máhtudahka viehka åtsådallama åvddånahttem- ja jådedibme fágajgasskasasj aktisasjbarggoprosessajs. Duodden suv persåvnålasj dågålasjvuohtaj le sujna sierramáhtudahka mij dahká suv prosjæktajådediddjen majna aktisattjat sihtap barggat, javlla háldadusoajvve Divtasvuona suohkanin, Arne Kvensjø.
     

Tor Erik Rønne álggá ådåjakmánon 2018.

Gåtsedimprosjækta (Jasska) Divtasvuonan, mij organiseriduvvá Nordlánda fylkkamánnes, ásaduváj tjavtjan 2017 maŋŋela gå råhtsatjimásje Divtasvuonan ilmoduvvi. 

Gåtsedibme ja duostudimbarggo 

Da li guokta oajvvedåjma dán gåtsedimbargos: Tjuovvolibme gillajiddjijs ja ietjáda gudi li guoskadallam dássta ja duostodimbarggo, guhkesájggásasj dåjmaj.

  • Gå Tor Erik Rønne le virggáj biejadum prosjæktajådediddjen lip ájnas virgev oadtjom jåhtuj. Vierttip åvddålijguovlluj gæhttjat. Moaddása sjaddi sehkanit dán bargguj, ja aktisattjat, rahtjamusá baktu, galggap buorre- ja jasska boahtteájgev viesádijda Divtasvuonan tsieggit, javlla háldadusoajvve
     

Suohkan- ja ådåstuhttemdepartemænnta le juollodim 7,5 millijåvnå dán bargguj mij várru gihtta 2019 jahkegæhtjáj. Fylkkamánne orgániseriduvvá dáv bargov. Porsjæktajådediddjen le åvdåsvásstádus prosjevtajt tjadádit ja ålles bajássjaddamplánav dahkat. 

Lagáp diedojt gåhtsedimbargos gávna Nordlánda fylkkamánne næhttabielen: 
https://www.fylkesmannen.no/nb/Nordland/Folk-og-samfunn/Tysfjord-prosjektet/?id=110416