Språk Norsk - NorwegianSpråk Sami - Samisk
A A A
 

Nyheter

Spellamrudá 2015

25.09.2014

Åhtsåmmierre l gålgådismáno 29. biejve. Åhtsåmus spellimrudájda galggá elektråvnålattjat sáddiduvvat. Dagádum li muhtem rievddadime njuolgadusájn ådå åhtsåmusájda. Åhtsåsjiebmá ja badádus gávnnuji dánna: www.idrettsanlegg.no

Ásadus masi la åvddåla doarjjagav åtsådum valla ij la juollodum, hæhttuji ådåsis åhtsåt. Doajmma hæhttu liehket merustaládum plánan rubbmelasj dåjmajda ja luonndomuossádimijda.

Gehtja aj ietjá almodusá spellamrudájda ja valástallamásadusájda Kulturdepartementa webbielen

Kulturdepartementa

Ájnas rievddadime
Muhtem ájnas rievddadime li dálla njuolgadusájn, gehtja "Om bestemmelser om tilskudd". Danna dættoduvvá duola dagu jut haddevuoledibme ij desti dåhkkiduvá ruhtadimen.

Gehtja aj "Krav til de enkelte vedlegg i søknaden" njuolgadusáj vuolen, bielen www.idrettsanlegg.no , Publikasjoner.

Lågå njuolgadusájn mij la tjáledum ájggomusáj valástallamdåjmalasj árabut dåhkkidime birra. Ienep ásadusá máhtti oadtjot ájggomusájt suohkanijs dåhkkidum. Gájbbádusá duodastibmáj dakkir valástallamfágalasj dåhkkidibmáj la huoman sæmmilágásj gå majt ietján luluj departemenntaj sáddit. Sárggoma stiemmpilduvvi ja biejvviduvvi ja girjje dåhkkidime birra sáddiduvvá fylkasuohkanij kopiajn suohkanij. Ájggomusá lulun galla adjáj departemenntaj sáddiduvvat, dåhkkidibmáj, jali jur rádudalátjit ja árvustallamijt åttjudittjat. Árvustallat dårja stuorrudagáv viertti departementas dagáduvvat jus doajmma dábálasj njuolgadusájt garvvá.

Mujte aj, gå åhtsåmus mij guosská gárves ásadussaj sáddiduvvá, galggá dárkestum ruhtalågov, ij gållomerustallamav, åhtsåmusáv tjuovvot.

Om bestemmelser om tilskudd