Giella Norsk - NorwegianGiella Sami - Samisk
A A A

Sáme giella ja kultuvrra

Divtasvuona suohkan le Sámegiela háldadimsuohkan. Åhtsåmus sæbrrat dási sáddiduváj departemænntaj maŋŋáj gå Divtasvuona suohkanstivrra mierredij dav basádismáno 7.biejve guoktatuvsánguokta. Ådåjakmáno 1.biejve guoktatuvsánguhtta sjattaj de Divtasvuona suohkan sámegiela háldadimsuohkan, ja dát merkaj sámegiella ja dárogiella li avtaárvvusasj giela ja da galggi liehket dássásattja.

Sámelága giellanjuolgadusá vaddi viesádijda gielalasj riektájt almulasj orgánaj ja dievnnofálaldagáj aktijvuodan. Dát dåjma jårggålime njuolgadusájs, almodimijs ja sjiemájs sámegiellaj, riektá vásstádussaj sámegiellaj, vijdedum adnem sámegielas riektádåjmadagás, vijdedum riektá sámegiellaj varresvuohta– ja sosialsuorgen, juohkkahattjan le riektå individuála girkkolasj dievnastusájda julevsámegiellaj Vuona girkko tjoaggulvisájn giellaháldadimguovlon, riektá åhpaduspermisjåvnnåj ja riektá åhpadussaj julevsámegiellaj.

Dan diehti gå Divtasvuona suohkan le sámegiela háldadimsuohkan le miján aktisasjbarggosjiehtadus Sámedikkijn.
Sámedigge juollo rudájt suohkanijda gudi li sámegiela háldadimguovlojn. Dá rudá  juogeduvvi guokta åsijda; Vuodo –ja dievnastimoassáj ja åvddånahttemoassáj.
Suohkana bieles vierttip de doajmmaplánav dahkat juohkka jage.


Giellakonsulænnta
Galggá gárvedit ja jåhtuj biedjat dåjmajt mij li tjanádum aktisasjbarggosjiehtadussaj Sámedikkijn.

Giellakonsulenta barggo- ja dåjmadimsuorge:

  • Sámegiela fágalasj åvdåsvásstádus
  • Giellabargov aktidit ja suohkana giellaprosjevtajt dåjmadit
  • Åvddånahttet  -ja hiebadit sámegiela adnemav háldadimen
  • Guovtegielakvuodarudá budsjæhtta åvdåsvásstádus
  • Giellafágalasj dahkamusá/pládnabarggo, jårggålime ja ássjegiehtadallam
  • Suohkana giellapládna
  • Åvdånahttem
     

Válde aktijvuodav: 

Lars Filip Paulsen
Kultuvra, æládusá ja åvddånahttema åssudakjådediddje - Enhetsleder for Kultur, næring og utvikling
Divtasvuona suohkan - Tysfjord kommune
Skuolkan - Tlf. dir.: 75 77 55 06  |  Mob.: 916 18 561
www.tysfjord.kommune.no

Guokta álmmuga - aktisasj buorre boahtteájgge.   -   To folk - en felles god framtid