Språk Norsk - NorwegianSpråk Sami - Samisk
A A A
 

Nyhetsarkiv

ikon samisk flagg

Sáme giella- ja girjálasvuoda seminárra

 

Biehtsemáno 10. ja 11. biejve ásat Árran julevsáme guovdásj ja Divtasvuona suohkan seminárav sáme giela ja girjálasjvuoda birra. Seminárra le nasjonála 2013 Giellajage ja Jienastimrievtesvuoda ávvudallamij aktijvuodas.

 

 

Mánnodagá biehtsemáno 10. biejve tjalmostuvvá julevsáme giella. Oadtjop ienebuv diehtet jur giela birra, valla aj ulmutjij ietjasa giellahiståvrå ja giellaválljimij birra, ja aj dan giellabargo birra mij dálla bájkálasj sebrudagán le. Giellaseminárra le iehketbiejve, ja åvddåla gå seminárra álggá de gasskabiejvbiebbmo guossoduvvá.

Dijstagá biehtsemáno 11. biejve, de sáme girjálasjvuohta tjalmostuvvá. Girjálasjvuohta åvddånboahtá måttij lågådallamij, lågudisáj ja subttsasij baktu. Jienastimrievtesvuoda ávvudallamij aktijvuodas de tiebmán li árvo duola dagu ájrastibme, dássádus ja sebrudakoassálasstem – valla dá åvddånbåhti girjálasjvuoda hámen. Dájddavuosádus dagádum sáme nissundájddárijs gånnå li aj sæmmi tiemá le oassen dássta. Sæmmi iehkeda de girjálasvuoda æjvvalibmáj gåhttjop, gånnå duot dát girjjetjálle ietjasa girjijs låhki.

Sámegielak lågådallama dålkkuduvvi dárruj. Seminárraj bessat ij majdik mávse, ja rabás la gájkajda. Ja oassálasstemav ij dárbaha diededit.

Giella- ja girjálasvuodaseminárra le Nordlánda fylkasuohkanis ja Sámedikkes doarjodum. Ienep diedojt ásadime birra oattjo rádevaddes Line Merete Skarvik, line.skarvik@arran.no, tlf 75 77 51 37, jali rádevaddes Päivi Alanen, paivi.alanen@arran.no, tlf 75 77 51 15.

application/pdfProgram 794 KB
application/pdfPlakat 317 KB