Språk Norsk - NorwegianSpråk Sami - Samisk
A A A
 

Nyheter

Rabás virgge - Árran mánájgárdde

09.05.2017

Árrana mánájgárdde Ájluovtan la avta-åssudak mánájgárdde 23 sajij sámegielak mánájda 0-6 jage gaskan. Mánájgárddejahkáj 2017/2018 åhtsåp jådediddjev 1 jahkevirgen ja pedagåvgålasj  jådediddjev 0,3 jahkevirgen. Åhtsåmmierre 21.05.17.

JÅDEDIDDJE 1 jahkevirgge

Gájbbádusá: 

  • dujna l åhpadus åvddåskåvllååhpadiddjen jali ietjá allaskåvllååhpadus
    mij buktá mánájfágalasj ja pedagåvgålasj máhtudagáv.
  • dån buvtá julevsámegielav njálmálattjat ja tjálalattjat.
  • dujna li åtsådallama sæmmilágásj bargos.


PEDAGÅVGÅLASJ JÅDEDIDDJE 0,3  jahkevirgge 

Gájbbádusá:

  • dujna l åhpadus åvddåskåvllååhpadiddjen jali ietjá hiebalgis åhpadus
  • dån buvtá julevsámegielav njálmálattjat ja tjálalattjat
  • dujna li åtsådallama sæmmilágásj bargos

 

Ietjá åhttse hiebalgis ja gávnas åhpadusájn ávttjiduvvi aj åtsåtjit.
 
Goappátjij virgij vuoksjuj:

Åvddåla virggáj biejaduvá hæhttu bulkkeduodastus åvddånbuvteduvvat (bs. Mánájgárddeláhka §19)

Ålmmå hasoduvvi åtsåtjit.

Mij fállap:

•    Bálkáv ja barggoævto Árrana bálkkávuogádagá milta

•    Sebrulasjvuodav Árrana pensjåvnnåvuogádagán

•    Máhttelisvuodav sadjáj Árrana mánájgárden


Åhtsåmmierre: 21.05.17

Lagáp diedojt oattjo jådediddjes Agnete Johnsen, tlf. 75 77 51 00 jali e-påstan: manajgardde@arran.no

Åhtsåmus aktajn CV:ajn, referánsaj ja duodastusáj sáddiduvvi:

Árran julevsáme guovdásj/lulesamisk senter, 8270 Ájluokta/Drag, jali e-påstan: poassta@arran.no


Árran%2Bbarnehage_369x250_250x169.jpg