Språk Norsk - NorwegianSpråk Sami - Samisk
A A A
 

Nyheter

Rabás fálaldahka hukso ja varresvuodadievnon

10.06.2016
omsorg 2Boahtte lávvodagá biehtsemáno 11. biejve jáhkedahtte boahtá artihkal avijsan VG, subttsasij ulmutjijs gudi li råhtjastuvvam Divtasvuonan.

Dála li diedo suohkana fálaldagáj birra.

Fálaldagá li rahpasa, ja máhtá dáj njuolgga guládallat:

  • Mánájsuodjalusdievnastus
  • Varresvuodasujttár
  • Dåktårdievnastus
  • Psykiatradievnno
  • Gárramkonsulænnta

Divna dievnastusá lahka aktisattjat barggi SANKSajn ja suohkan la gárves giehtadalátjit ássjijt ma båhti.

Divtasvuona suohkan la ásadam guládallamtelefåvnåv ulmutjijda gudi viehkev dárbahi, jali sihti soabmásijn sáhkadit. Nágin dav vásstet ålles jánndurav, bierjedagás gitta sådnåbæjvváj, dán ájllega, ja juohkka árggabiejve ájggemieren 07.45 gitta 15.15.

Telefåvnnånummar la 913 88 729

- Ij dåhkki SMSav dán nummarij rádjat.

Telefåvnnå dievnastuvvá varresvuodabarggijs psykriatridievnastusás ja SANKSas.

Duodden la ásaduvvam båddåsasj hiehte-/huksojuogos mij galggá liehket resurssajuogos psykososiálalasj huksobargon ja tjåhkanit jus bulkke, dåktår jali suohkana hiehtejådedibme dav sihtá.

Duodden suohkana guládallamtelefåvnnåj, gávnnuji moadda fálaldagá ulmutjijda:

  • SANKS tlf:
    • Vahkko 24: 482 18 396 Anja Tiller
      Vahkko 25: 941 79 915 Janaki Hyldahl
    • Karasjåhkå 78 46 95 50
    • Leavnnja 78 46 45 50
  • Mental Helse ( ålles jánndura) 116 123
  • Kirkens SOS (ålles jánndura) 22 40 00 40
  • Incesttlf (ålles biejve) 800 57 000
  • Alármmatelefåvnnå 116 111
  • AA Anonyme Alkoholikere (ålles biejve) 815 44 020

Guládallama medias máhtti njuolggiduvvat suohkanoajvváj Tor Asgeir Johansenij, tlf 916 15 762.