Giella Norsk - NorwegianGiella Sami - Samisk
A A A

Asstoájggefálaldagá nuorajda Divtasvuonan

Divtasvuona nuorajn le vijdes asstoájggefálaldahka.
Gehtja aj Siebre jus sidá ienep diedojt majt Divtasvuodna máhttá mánájda ja nuorajda fállat.

DSCF3896_200x267

Moadda fálaldagá gávnnuji Divtasvuona mánájda ja nuorajda. Dåjmalattjat bargaduvvá váj dá fálaldagá ájn buorebun galggi sjaddat.

 
Drag Aktivitetspark dálla tsieggiduvvá ja dåppe sjaddá vijdes asstoájggefálaldahka. Besa ienebuv Drag Aktivitetspark prosjevta birra dáppe låhkåt.
 
Bargaduvvá guokta dahkorássetjiektjamsaljo ásadit suohkanin, avtav Ájluovtan ja nuppev Gásluovtan.
 
Návti bessi máná ja nuora suohtastallat bállotjiektjamijn viehka vuohkasap saljon gå udnásj tjievrrasaljojn.
 
Divtasvuona valástallamsiebrijn le vijdes fálaldahka vuodjamis ja bállotjiektjamis tjuojggamij ja giessevalástallamij.
 
Goappátjij bielen vuonas nuora paintballav spelli.
 
Dan aktijvuodan galggi ásaduvvat moadda iehketbiejve/iehkeda gånnå nuora bessi tjåhkanit, organiseridum ja aj iehpeorganiseridum.
 
Sierra saje paintballaj maŋenagi ásaduvvi goappátjij bielijn vuonas.
 
Musihkkabirás Divtasvuonan le viehka buorre, ja ådå banda ja juohkusa ihti duolloj-dálloj. Moaddása dájs li boahtám Divtasvuona Kultuvrraskåvlå diehti.
Ja dá banda li luondulasj oassálasste bluesfestiválan "Sement-Blues" mij ásaduvvá juohkka nuppát jage.
 
Divtasvuonan li sierralágásj máhttelisvuoda jus soaptso ålggon juogu de nuoren jali váren.

Miján le Stáddá, Vuona nasjonálvárre, gånnå li viehka buorre máhttelisvuoda goarŋŋot. Rádjebálges Jiellevárráj ásaduváj jagen 2007 ja dat le viehka buorre álggo jus sidá mijá oavdos luondov vásedit.

Vuodnabadán le canyon man muodattjav dåssju Amerikan gávna. Duodden li Divtasvuonan tjáppa rájge Oarjjevuonan ja Gásluovtan.
Dát tjáppa luonndo le vuorddemin duv! Bivddem- ja guollimmáhttelisvuoda li viehka buore, ja Divtasvuonan le dåjmalasj Bivdde- ja guollársiebrre gånnå li sierra fálaldagá nuorajda.