Giella Norsk - NorwegianGiella Sami - Samisk
A A A

Diedo mánájgárdij birra

Divtasvuona suohkanin li dá mánájgárde:

 

  • Ájluovta mánájgárdde, Ájluokta
  • Árrana mánájgárdde, Ájluokta (priváhta, Árran julevsáme guovdátjis dåjmadum)
  • Bæsosaljo mánájgárdde, Gásluokta
  • Stuorgiette bajássjaddamguovdásj, Stuorgiedde
     

Mánájgárddejahke 2016/2017

Ådå mánájgárddejahke álggá bårggemáno 22.biejve 2016 (Árrana mánájgárdde álggá bårggemáno 15.biejve 2016). Máná gænna juo li saje suohkana mánájgárdijn e dárbaha ådåsis åhtsågoahtet, valla sijájn gænna li saje Árrana mánájgárden dán jage viertti vas ådåsis åhtsåt boahtte mánájgárddejahkáj.
Sijájda gænna ij le mánájgárddesadje, le åhtsåmmierre mánájgárdijda 01.03.2016.

Åhtsåmsjebmá suohkana mánájgárdijda gávnnu juohkkahasj mánájgárden, rádevieson jali dánna. Åhtsåmsjiebmá Árrana mánájgárddáj gávnnu mánájgárden jali www.arran.no 

Aktidim sisiválddema diehti viertti dimna mánájgárddesadje-åhtsåmusá sáddiduvvat diehki:
Divtasvuona suohkan
Bajássjaddam ja åhpadus
Poasstaboaksa 104
8591 GÁSLUOKTA

Mánájgárddesajij mákso:
Ålles sadje: 2580
Lahkke sadje: 1290


Rávgaduvvá mákso æjgádijs akti mánnuj mærrádusáj milta, mij doajmmá 20. biejve rájes 20. biejve rádjáj juohkka máno. Fássta sadje mávseduvvá 11 mánoj åvdås jahkáj. Snjilltjamano 20. biejve rájes gitta bårggemáno 20. bæjvváj ij mákso rávgaduvá.