Språk Norsk - NorwegianSpråk Sami - Samisk
A A A

Jiellevárre

 

Vuostasj sjiehtadus ráddnáaktisasjbargguj Jielleváre suohkana ja Divtasvuona gaskan, vuolláj tjáleduváj 15.04.03. Dálásj aktisasjbarggosjiehtadus vihpá ålgus jagev 2008.
Tiemá ma sjiehtadusán nammaduvvi:
  1. Æládusiellem, industria, turissma, oasestibme ja sáme æládusá.
  2. Kultuvrra, girjjevuorkká, valástallam, sáme girjjebussa, dávvervuorkká, musihkka ja kultuvrraskåvllå.
  3. Skåvllå, åhpadus , ja lånudallam skåvlåj gaskan.
  4. Varresvuoda- ja sosiála máhtudaklåpptim sáme virgálattjajs vuorrasijhuvson.
  5. Infrastruktuvrra suohkanij gaskan, guoradallam lájdos ja væddjaaktijvuodas.
  6. Sáme giella, kultuvrra ja sebrudakiellem, åvddånahttem julevsáme nævojs ja ásadibme IT-tjoavddusijs.
 
Aktisasjbarggo Jielleváre suohkana ja Divtasvuona suohkana gaskan álgij jagen 1998, prosjæktaaktisasjbargujn daj suohkanij álmmukgirjjevuorkáj gaskan. Dát prosjækta buvtadij duola dagu ásadusáv sáme girjjebussas ja oasstemij sámegielak girjálasjvuodas /medianævos.
Dá aktisasjbarggoprosjevta li tjadáduvvam jages 1999:
 
  • Girjjevuorkkáprosjækta
  • Julevsáme girjjebussa
  • Interreg Atlas
  • Unireg/stáhtalasj tjáledimbarggosaje
  • Juomisjtsiekkadusá (Sadje)
  • Rádjálájddo
  • Åhpadus lassánibmáj Jielleváren-Divtasvuonan.
 
Gásluovta skåvlån li læhkám prosjæktaaktisasjbargo skåvlåj Jielleváren, ja læhkám aktisasjbarggo daj guokta suohkanij kultuvrraorganisasjåvnåj ja valástallamorganisasjåvnåj gaskan.
 
Lagámus boahtteájgen suohkana galggi ådå aktisasjbarggoprosjevtajt giehtadallat ma guosski:
 
  • Varresvuodav- ja huvsov
  • Skåvlåv
 
Ávkálasj sválldasa