Språk Norsk - NorwegianSpråk Sami - Samisk
A A A
 

Nyhetsarkiv

ikon kirke

Girkkooahttsen Divtasvuonan

  

100 % virgge girkkooahttsen Divtasvuonan rabás 1/10 – 2011 rájes

 
Divtasvuona suohkan le Nuortta-Sálton, Bodåddjo ja Narvijka gassko ja suohkanin årru 2000 ulmutja. Suohkanin li gålmmå girkko, gietjav girkkogárde, gålmmå tjoaggulvisráde, akta aktisasjráde, ja aktisasj háldadus. Girkkooahttsen le kontåvrrå Gásluovtan, mij le suohkanguovdásj Divtasvuonan. Duodden le åssudakkontåvrra Ájluovtan. Girkko Divtasvuonan oadtju doarrjjaårniga rámmaj milta suohkana ruhtaplána baktu.
 
Girkkooahttse
Åhtsåp jådediddjev mij:
  • le tjiehppe guládalátjit ja arvusmahtátjit
  • doajmmá åvdåstiddjen tjåhkanimijn suohkanijn, girkko aktisasjorgánajn, mediajn ja jådediddjen ietjas barggij hárráj
  • vuojnná, berus ja árvvon adná ietjas guojmmebarggijt ja ásat buorre relasjåvnåjt barggij gaskan
  • tjoavddusijt åhtså

 
Girkkooahttse dahkamusá li:
  • bæjválattjat aktisasjráde dåjmajt jådedit
  • åvdåsvásstadus barggijs, pládnabargos, ruhtadiles ja tsiekkadusájs ja ásadusájs
  • liehket tjállen ja ássjegiehtadallen rádijda ja nammadusájda
  • liehket sadjásasjbarggen girkko dáhpádusájn

 
Máhtukvuohta ja åhpadus:
  • gålmåjahkásasj allaskåvllååhpadus, girkkofágalasj/ruhta/háldadim fáhkasuorgijs, valla dát ij le gájbbádus
  • åtsådallama liehket jådediddjen ja máhtukvuohta liehket stuoves jådediddjen
  • åtsådallama budsjæhtta bargos, ruhtalågos ja IKTas
  • Divtasvuona suohkan le guovtekultuvralasj suohkan. Sávadahtte åhttsen le sáme máhtudahka

 
Fállap geldulasj ja hásstaliddje virgev ja buorre barggoaktisasjvuodav. Máhtá barggagoahtet nav ruvva gå máhttelis jali lagáp sjiehtadallamij milta. Kujna ávttjiduvvi åtsåtjit. Bálkká sjiehtadusá milta ja pensjåvnnåårnik KLPan. Lagáp diedojt oattjo girkkooahttses Kjell-Eddy Nicolaisen, tlf. 970 95 713 jali akisasjráde njunnjutjis Edvard Olav Stenbakk, tlf. 959 13 735.
Åhtsåmus oahppoduodastusáj ja ietjá duodastusáj sáddiduvvá adræssaj vuollelin mañemusát 22.08.11.

Tysfjord kirkelig fellesråd     jali e-påsta baktu: tysfjord.kirke@online.no
Pb 139
8591 Gásluokta/Kjøpsvik