Språk Norsk - NorwegianSpråk Sami - Samisk
A A A
 

Nyheter

Garraduodje

15.03.2016


Ådå kurssa garraduojen, mánájda ja nuorajda (5.-10.kl). Álgadibme le vuoratjismáno 4. biejve 2016.


Divtasvuona kulturskåvllå ja Árran li álggám aktisasjbargov åhpadit garraduojev, masi le læhkám berustibme dájt maŋemus jagijt æjgádijs ja oahppijs. Árran ja Divtasvuona kulturskåvllå li dáv aktisasj fálaldagáv ásadam 2015-tjavtja rájes.

Kurssa le boahtám jåhtuj ruhtadimes aktisasjbarggosjiehtadusá baktu Sámedikke ja Divtasvuona suohkana gaskan.

Lågev oahppe li oahpásmuvvam materiállaj luondos, ájádusás gárves buktagij. Åhpadus lij aj gåktu duov dáv vædtsagav adnuj válldet, ienemusát gåktu tjuohpanijt adnet.
Oahppe li aj oahpásmuvvam sáme giellaj ja kultuvrraj, ja li dudálasj læhkám åhpadusájn.

Fálaldahka sjaddá dåssju Ájluovtan. Ij la máhttelis dálla fállat dáv ietjá sajijt Divtasvuonan, valla galggap gæhttjalit kursav hiebadit nåv at oahppe ålles suohkanis máhtti oassálasstet Ájluovtan.

Åhpadiddje Mattias Harr le 30-jage vuoras ja boahtá Malås Svierigis. Sån la  åhpadum duodjár Sámij åhpadusguovdátjis Jåhkåmåhkes.
Mattias årro Ájluovtan ja barggá duodjebagádallen Árranin.
Mattias Harr, skuolkan: 400 99 415, mæjlla: mattias.harr@arran.no

Divtasvuona kulturskåvllå
Skåvllåoajvve Johannes Formanowski
Skuolkan: 99 42 72 90
Mæjlla: johannes.formanowski@tysfjord.kommune.no

 

Garraduodje Lars-Johannes-Mattias_300x200.jpg

 

Påmeldng Garraduo VÅR-16 Drg.pdf