Språk Norsk - NorwegianSpråk Sami - Samisk
A A A
 

Nyhetsarkiv

informasjon

Gåhttjom rabás álmmuktjåhkanibmáj Divtasvuonan

Sámedigge gåhttju álmmuktjåhkanibmáj Ájluovtan Divtasvuona suohkanin moarmesmáno 7. biejve kl 14.00-16.00. Tjåhkanibme galggá Árrana låpptån

Sámedikke barggá gielladiedádusájn, ja danen sihtap ságastallamav ja árvvalusájt sáme giellapolitihka birra. Sámediggeráde vuojnná ájnnasin sámesebrudagájt siegen boahtteájge giellapolitihka bargguj. Sámedigge sávvá dijájs ájádusájt, árvvalusájt ja tjoavddusijt hásstalusájda mij gullu giellaj ja giellaåvddånibmáj.
 
Tjielggidus sámegiela birra, mij åvdeduváj Sámedikke ållestjåhkanimen vuoratjismáno 18. biejve, dán jagen, le vuodon gielladiedádusá bargguj. Tjielggidus vuoset oajvvehásstalusájda mij gullu giellaj. Tjielggidusá oajvveratjásdibme li;

-giellaadnij birra
-giellaano birra
-giellafágalasj åvddånahttema birra
-Sámedikke roalla ja fábmudahka giellapolitihkan

Sámediggediedádus sámegiela birra sjaddá Sámedikke barggovædtsak gå galggap nannit ja åvddånahttet sámegielav. Danen la ájnas, nav ållo giellabirrasijda majt máhttelis, oadtjot iethjasij boahtteájge hásstalusájt ja ájádusájt tjielggidum.


Mij sávvap gájkajda buorisboahtem!