Giella Norsk - NorwegianGiella Sami - Samisk
A A A

Jåhtet Divtasvuodnaj?

Jus ájgo Divtasvuodnaj jåhtet de dán biele diedoj máhtá oahpásmahttet infrastruktuvrajn dán bájken ja majt dánna máhtá muossádit.

Spekkhogger StetindMánájgárde

Divtasvuonan li niellja mánájgárde. Akta dajs le suohkanguovdátjin Gásluovtan, akta Stuorgietten ja guokta li Ájluovtan. Akta mánájgárdijs Ájluovtan le oajvvetjalmostahttemijn sáme gielan ja kultuvran. Suohkanin li vargga ållåsasj mánájgárddesaje. 


Skåvlå

Divtasvuonan li niellja vuodoskåvlå. Akta Gásluovtan, akta Måsken, akta Ájluovtan ja akta Stuorgietten. Ælla joarkkaskåvlå suohkanin. Lagámus joarkkaskåvllå le Oppájden Hábmerin.

 

Suohkana vieso

Guoskavasj diehtuj lájgguj suohkana viesojs guládalá teknihkalasj etáhttaj.


Luonndoiellem

Luonndoiellemmáhttelisvuoda Divtasvuonan li viehka moattebelaga. Luonndo vaddá máhttelisvuodajt várre- ja nuorredåjmajda dagu tjuojggam, gibttsomij, buoktjamij, nuorre- ja varástjáhtjeguollimij. Vádtsemduobddága li moattebelaga ja le vuodo oanep ja guhkep vádtsemijda miehtsen jali váren. Gehtja tjoakkáv turisstadiedoj devdadis diehton.


Guhkkudagá

Narvijkka: 100 km, vuodjemájgge birr. 1,5 t.
Bodø: 200 km, vuodjemájgge birr. 3 t .


Dálkádahka

Divtasvuonan le stuoves nuorttavuona dálkádahka, målsudimij jábij milta. Giessetemperatuvra li birrusin 8 gráda C ja 28 gráda C. Dálve li guhke ja le muohta javllamános vuoratjismánnuj.

 
Internehttabiele diedoj Divtasvuona-dálke birra:
TV2
Meterologisk institutt


Statistihkka Divtasvuona birra:

Statistisk Sentralbyrå