Språk Norsk - NorwegianSpråk Sami - Samisk
A A A
 

Nyheter

Sámij Álmmukbiejvve 2017 - Prográmma

27.01.2017

sflaggredigert.jpg

Álmmugij káffá ja gáhko guossoduvvi

Mánnodagá guovvamáno 6. biejve 11:30 - 12:30

Rádevieson, Gásluovtan, Árranin, Ájluovtan ja Stuorgiette bajássjaddamguovdátjin.
Suohkanoajvve Tor Asgeir Johansen hoallá Rádevieson kl. 11:30.

2017 jage ávvudallap 100 jage li vuostasj sáme rijkkatjåhkanime rájes ja dav ávvudalli Roandemin guovvamáno gudát biejve ja ålles vahko. Divtasvuona suohkan fállá viesádiddjijda aktisasj nasjonála avvudallamijda sæbrrat. Ájggop streamit sáddagav rahpamseremonijas Roandema saljos gånnå Stáhtaminisstar Erna Solberg aktan iehtjádij hålla mánnodagá guovvamáno 6. Biejve kl. 11:45 - 12:30.

Duodden guossidi suohkana åvdestiddje suohkana gålmmå vuorrasijhuksoásadusájt.

Vájmulattjat sávvap gájkajda buorisboahtemav Sámij álmmukbiejvev ávvudalátjit!

 

Ietjá dáhpádusá suohkanin:

  • Ávvudullam Árranin la ienemus oassáj duorastagá guovvamáno 2. biejve kl. 15:30 - 18:30, ja la gájkajda. Prográmav gávna Árrana næhttabielen: www.arran.no

  • Divtasvuona ASVOn aj ienemus oassáj ávvudalli duorastagá guovvamáno 2. biejve kl. 10:00 - 14:00. Duodden la siján miniseminárra ja duodjeiehkeda. Gehtja prográmmav ASVO næhttabielen www.tysfjordasvo.no

  • Bæsosaljo mánájgárden galggi sáme biebmojt bårråt ja låvdagoaden subtsastallat.

  • Ájlouvta mánájgárden galggi máná álmmukbiejve hávsskudallat sáme biebmoj, subtsastallat  ja sábmáj lávllot.

  • Gásluovta skåvlån giessiji slávgav bajás ja lávllu sámevierrega lávllagav.

  • Ájluovta skåvlån ávvudalli dagu dábálattjat aktisasj bårråmusájn gájkajda.

  • Stuoragiette bajássjaddamguovdátjin galggi ålles biejvev ålggon ja låvdagoaden ávvudallat. Malesti árbbedábálasj sáme biebmojt, slávgav giessi bajás, ja ålles bájkev guossáj gåhttju.

  • Ájluovta/Ájlátte girkkon la jubmeldievnastus guovvamáno 6. Bieve kl. 18:00. Girkkokáffa Árranin, Ájluovta/Ájlátte tjoaggulvisráde baktu.